Skotsýn tekur við umboði Timney Triggers á Íslandi
- 8 hours ago
- 3 min read
Við hjá Skotsýn erum ánægð að tilkynna að Skotsýn ehf. er orðinn viðurkenndur umboðsaðili Timney Triggers á Íslandi.
Timney er eitt þekktasta nafnið í heiminum þegar kemur að hágæða gikkjum fyrir veiði-, sport- og nákvæmnisskotfimi. Fyrirtækið var stofnað árið 1946 og hefur í áratugi sérhæft sig í þróun og framleiðslu á aftermarket gikkjum fyrir fjölbreytt úrval skotvopna.
Af hverju velja veiðimenn og nákvæmnisskyttur Timney?
Gikkurinn er einn mikilvægasti snertiflöturinn milli skyttunnar og riffilsins.
Þegar skotið skiptir máli vill skyttan að gikkurinn sé hreinn, stöðugur og fyrirsjáanlegur. Ójafnt eða langt gikkátak getur gert erfiðara að halda fullkominni miðun alveg fram að því augnabliki sem skotið fellur.
Þetta er ein af ástæðunum fyrir því að Timney hefur í áratugi verið vinsælt val meðal bæði veiðimanna og nákvæmnisskytta.
Timney leggur meðal annars áherslu á:
Hreint og skýrt gikkbrot
Stöðugt og fyrirsjáanlegt gikkátak
Lágmarks creep og overtravel á mörgum gerðum
Nákvæma framleiðslu og vandaða íhluti
Mikið úrval fyrir mismunandi riffla og skotvopn
Auðvelda uppsetningu á fjölmörgum gerðum
Handsamsetningu, prófun og stillingu
Lífstíðarábyrgð frá Timney
Timney handsetur, prófar og stillir gikkina áður en þeir yfirgefa verksmiðjuna. Fyrirtækið hefur þannig byggt orðspor sitt á því að skyttan geti treyst á sambærilega tilfinningu og virkni frá skoti til skots.
Fyrir veiðimanninn
Við veiðar fær maður ekki alltaf annað tækifæri.
Aðstæður geta verið krefjandi, púlsinn hærri en á skotsvæðinu og stundum þarf að taka vel undirbúið skot á tiltölulega stuttum tíma.
Hreint og fyrirsjáanlegt gikkbrot getur hjálpað skyttunni að halda einbeitingunni á miðun og skotstaðsetningu í stað þess að berjast við þungan eða ójafnan gikk.
Góður gikkur kemur auðvitað aldrei í stað æfingar og góðrar skottækni – en hann getur hjálpað skyttunni að nýta betur þá nákvæmni sem bæði hún og riffillinn hafa upp á að bjóða.
Fyrir nákvæmnisskyttuna
Þegar markmiðið er hámarks nákvæmni skiptir endurtekningarhæfni miklu máli.
Skyttan vill geta framkvæmt hvert skot með sem líkustum hætti. Hreint og fyrirsjáanlegt gikkbrot með litlum óþarfa hreyfingum getur hjálpað til við að minnka truflun á miðun á því augnabliki sem skotið fellur.
Þess vegna er hágæða gikkur oft meðal þeirra uppfærslna sem nákvæmnisskyttur skoða þegar þær vilja ná meira út úr góðum riffli.
Timney síðan 1946
Saga Timney nær aftur til ársins 1946 þegar Allen Timney hóf framleiðslu á replacement gikkjum.
Síðan þá hefur fyrirtækið þróað mikið úrval af gikkjum fyrir veiði, sportskotfimi og nákvæmnisskotfimi og framleiðir í dag lausnir fyrir fjölmarga þekkta skotvopnaframleiðendur og platform.
Timney framleiðir meðal annars gikki fyrir ýmsar gerðir frá Remington, Tikka, Sako, Ruger, Winchester, Browning, CZ, Howa, Weatherby, Savage, Mauser, Henry, SIG Sauer og fleiri framleiðendum, auk AR-platforma.
Hjálpaðu okkur að velja fyrstu sendinguna til Íslands
Nú þegar Skotsýn hefur tekið við umboði Timney erum við að undirbúa fyrstu sendinguna til Íslands.
Úrval Timney er mjög stórt og í stað þess að við ein ákveðum hvaða gerðir eigi að mynda grunninn að lagernum viljum við gjarnan fá íslenska veiðimenn og skotmenn með okkur í að móta úrvalið.
Hvaða Timney gikk myndir þú vilja sjá á lager hjá Skotsýn?
Ef þú ert með ákveðinn riffil eða skotvopn sem þú vilt uppfæra með Timney, sendu okkur endilega:
Framleiðanda – módel – kaliber – og, ef þú veist það, hvaða Timney gikk þú hefur áhuga á.
Það hjálpar okkur að sjá hvaða gerðir eru mest notaðar hér á landi og byggja fyrstu lagerpöntunina upp í samræmi við raunverulega eftirspurn íslenskra skotmanna.
Þar er hægt að skoða gikki eftir tegund og framleiðanda skotvopns og finna þá gerð sem hentar hverju vopni.
Sértu búinn að finna Timney gikk sem þú hefur áhuga á, sendu okkur endilega upplýsingar um hann á info@skotsyn.is.
Viltu tryggja þér ákveðinn Timney úr fyrstu sendingunni?
Ef þú veist nú þegar hvaða Timney gikk þú vilt er einnig hægt að hafa samband við okkur varðandi forpöntun úr fyrstu sendingunni.
Sendu upplýsingar um riffilinn/skotvopnið og óskina á:
Við skoðum rétta Timney gerð fyrir viðkomandi skotvopn og hvort hægt sé að bæta henni við fyrstu sendinguna.
Skotsýn ehf. – viðurkenndur umboðsaðili Timney Triggers á Íslandi.
